Sunday, February 19, 2017

21 პოპულარული გამონათქვამი ფოტოგრაფიაზე







ფოტოგრაფია არის ისტორია, რომლის მოყოლაც მე სიტყვებით ვერ შევძელი.

 - Destin Sparks


ერთი მნიშვნელოვანი დეტალი, რასაც ფოტო უნდა შეიცავდეს, მომენტის ჰუმანურობაა.

— Robert Frank


რობერტ ფრანკის ფოტო


 
ჩვენ ვქმნით ფოტოებს იმისთვის, რომ გავიაზროთ რას ნიშნავს ჩვენთვის ჩვენი ცხოვრება.

— Ralph Hattersley

ჩემთვის ფოტოგრაფია არა დანახვა, არამედ შეგრძნებაა. თუ არ იგრძენი ის რასაც უყურებ, მაშინ ვერასოდეს შეძლებ აგრძნობინო სხვებს რამე, როცა შენ ფოტოს უყურებენ.

— Don McCullin


დონ მაკულინის ფოტო




პორტრეტი არა მხოლოდ კამერაში, არამედ  ორივე მხარეს იქმნება.

— Edward Steichen


ერთია გადაიღო თუ როგორ გამოიყურება ადამიანი და მეორეა გადაიღო თუ ვინ არის ის სინამდვილეში.

— Paul Caponigro

საუკეთესო თვისება რაც ფოტოს ახასიათებს იმაშია, რომ ის არასოდეს იცვლება, რასაც ვერ ვიტყოდით იმ ადამიანებზე ვინც ფოტოშია.

— Andy Warhol






ფოტო, რომელსაც იღებთ კამერით არის ფანტაზია, რომელსაც რეალობის დახმარებით ქმნი .

— Scott Lorenzo

თუ ფოტოგრაფი დაინტერესებულია ადამიანებით, რომლებიც მისი ლინზის წინ არიან და მათ მიმართ თანაგრძნობა გააჩნია, ეს ნიშნავს რომ ინსტრუმენტი არა კამერა, არამედ ფოტოგრაფია.

— Eve Arnold

ფოტოგრაფიას არაფერი ესაქმება კამერასთან.

—  Lukas Gentry


დოროთეა ლანჟის ფოტო




კამერა ინსტრუმენტია, რომელიც გვასწავლის როგორ დავინახოთ სამყარო კამერის გარეშე.

— Dorothea Lange

არ მჯერა სიტყვების. მე ფოტოებს ვენდობი.

— Gilles Peress

ფოტოს გადაღება ცხოვრების ყოველი მეასედი წამის დაგემოვნებაა. 

— Marc Riboud


მარკ რიბოს ფოტო




ფოტო ეს არის სურათი, რომელიც იხატება მზისგან ყოველგვარი ინსტრუქციების გარეშე.

— Ambrose Bierce

ფოტოგრაფია არის ჭეშმარიტება.

— Jean-Luc Godard

ნებისმიერ ფოტოში ორი ადამიანია: ფოტოგრაფი და დამთვალიერებელი.

— Ansel Adams


ანსელ ადამსი ფოტო გადაღებისას





ფოტოსურათი არის საიდუმლო საიდუმლოს შესახებ. რაც უფრო მეტს მოგითხრობს, მით უფრო ნაკლები იცი.

— Diane Arbus

ფოტოგრაფიის მთელი მუღამი იმაშია, რომ არ გჭირდება სიტუაციის სიტყვებით აღწერა.

— Elliott Erwitt


ელიოტ ირვითის ფოტო


 
სილამაზე ნებისმიერ რამეში შეგვიძლია დავინახოთ. თუმცა დანახვა და კომპოზიციურად დალაგება არის ის სხვაობა რაც ნამდვილ ფოტოს უბრალო კადრისგან გამოარჩევს.

— Matt Hardy

როცა მეკითხებიან რა ეკვიპმენტს ვიყენებ ფოტოგრაფიაში, ჩემი პასუხია - ჩემი თვალები.

— Anonymous


დააკვირდი და დაფიქრდი სანამ ჩამკეტს გახსნიდე. კამერისთვის ნამდვილი ობიექტივი ფოტოგრაფის გული და გონებაა.
  
— Yousuf Karsh

მოამზადა გიო ბეჟანიშვილმა



5 მარტივი გზა გახდეთ უკეთესი ფოტოგრაფი

ნატა სამერკი არის პროფესიონალი ფოტოგრაფი და საიტის 500px_ის რედაქტორი. იგი რამოდენიმე სასარგებლო რჩევას გვთავაზობს ფოტოგრაფიის შესახებ.

ბევრს აინტერესებს, როგორ გაზარდოს მისი მიმდევრების რაოდენობა და როგორ მიიზიდოს ჯანსაღი ურთიერთქმედებები თავის პროფაილზე. ამიტომ გთავაზობთ რამოდენიმე რჩევას პროფესიონალურად აჩვენოთ ის, რაც საუკეთესო გაქვთ, დაამახსოვრდეთ ხალხს და გახდნენ თქვენი ნამუშევრების მიმდევრები.



1. მუდმივად განაახლეთ თქვენი პორტფოლიო

თუ თქვენ ახლახანს დაიწყეთ, ან უკვე გაქვთ რამოდენიმე საამაყო ფოტო, კარგი იქნება თუ ყოველთვის გამოყოფთ გარკვეულ დროს თქვენი პორტფოლიოს გასაახლებლად და შესაცვლელად. დარწმუნდით რომ გი მუდმივად მრავალფეროვანია, ასახავს თქვენს ბოლო ნამუშევრებს და არ შეიცავს ერთნაირ ფოტოებს, რომლებიც მხოლოდ ოდნავ განსხვავდება ერთმანეთისგან. 

შეურიეთ და განათავსეთ ფოტოები საინტერესოდ, ახლო ხედის ფოტოების შემდეგ ფართოკუთხიანი ლინზით გადაღებული ფოტოები დადეთ და შეხედეთ თუ შეგიძლიათ მათი დაკავშირება, ამბის შექმნა, მიუხედავად იმისა, რომ ეს ფოტოები ერთსა და იმავე დროს არაა გადაღებული. თუ ხედავთ, რომ ძველი ფოტოების სტილი ახალი ფოტოების სტილს არ ემთხვევა, წაშლას ნუ დააყოვნებთ, ან თუ სენტიმენტალურად გრძნობთ თავს, შეინახეთ ისინი რომელიმე ალბომში თქვენი პროფაილის გარეთ. იფიქრეთ თქვენს პროფაილზე, როგორც ძვირადღირებულ და კარგად ორგანიზებულ მაღაზიაზე. არავინ დაიჯერებს , რომ კრეატიული და ძვირი მეწაღე ხართ, თუ თქვენთან 20 წყვილ მოძველებულ, მტვრიან, ერთმანეთის მსგავს ყავისფერ ფეხსაცმელებს ნახავენ.



2. დაივიწყეთ თქვენი ლოგო

ალბათ ყველა პროფესიონალი და ნამდვილად წარმატებული ფოტოგრაფი არასდროს დაბეჭდავდა ფოტოებს ლოგოთი, რომ არ ქონდეს იმის შიში, რომ ვინმე მოიპარავს, ან უნებართვოდ გამოიყენებს მათ. ადრე ეს მხატვრული ხერხი იყო, რათა მყიდველი დარწმუნებულიყო, რომ ესა თუ ის კონკრეტული ნამუშევარი ნამდვილი იყო და ამ განწყობისთვის ატარებდა გარკვეულ ,,ხარისხის შტამპს“. თუმცა დღეს მას ძირითადად მოყვარულები იყენებენ და შესაბამისად მიჩნეულია არაპროფესიონალიზმის თამამ ნიშნად.  თქვენი ნამუშევარი თავად უნდა ლაპარაკობდეს და იყოს ცნობადი და არა თქვენი ლოგო. და ამ ყველაფრის შემდეგ,  გჯერათ რომ ტექსტი ფოტოზე და ლოგო ნამდვილად დაგიცავთ საავტორო უფლებების დარღვევისგან?



3. იცოდეთ შემოქმედებითი ტენდენციების შესახებ და იმუშავეთ თქვენი სტილით მათ გარშემო

ეს მოიცავს შემდეგ ტენდენციებს, როგორიცა: დროული რეაგირება, ან პირიქით, დადგენილი ტენდენციების იგნორირება და მუშაობა, ეძებოთ ახალი ფოტოგრაფიული ელემენტები, რომლებიც შესაძლოა განვითარდეს და მომავალ ტენდენციად იქცეს. ფოტოგრაფიულ საზოგადოებასთან მჭიდრო კონტაქტი იქონიეთ, გამოიწერეთ თანამედროვე ფოტოები და დიზაინ–ჟურნალები. მიუხედავად იმისა, რომ გარკვეული საგნები მუდმივია და მათ მრავალი წლის შემდეგაც გადაიღებენ, ბევრი იდეა ნამდვილად ზრუნავს ასაკზე. მაგ: თუ  stock (კომერციულ)  ფოტოგრაფიაში მუშაობთ,  თავი აარიდეთ ხალხის და ობიექტების გადაღებას თეთრ ან შავ ფონზე. დიახ, ტექნიკურად ამაში ცუდი არაფერია და ასეთი ფოტოები შესაძლოა დიდი უნარით და ნიჭით გაკეთდეს, მაგრამ ეს არ არის ის, რასაც მყიდველები ძირითადად ეძებენ. კიდევ ერთი რამ, რაც შეიძლება განიხილოთ და თქვენს პირველხარისხოვან პორტფოლიოში არ განათავსოთ, არის ყვავილების, მწერების და ასეთი ფოტოების დეტალური კადრები გარდა იმ შემთხვევისა, თუ ის ნამდვილად უნიკალურად და ტექნიკურად რთული გზითაა შესრულებული.



4. დაპოსტეთ ნამუშევრები უწყვეტად, მინიმუმ ერთხელ კვირაში, ყოველ კვირა!

თავიდან ეს შესაძლოა რთული აღმოჩნდეს: გადაიღოთ ფოტოები ყოველთვის, როცა შესაძლებლობა გაქვთ და დარწმუნდეთ, რომ ნამუშევარი, რომელსაც პოსტავთ თქვენს სტანდარტებზე მაღლაა. თუმცა ყველა ჩვევას მიესადაგება ის, რომ მხოლოდ პირველი ნაბიჯია ყველაზე ძნელი, ხოლო ჯილდო – ძალიან სასიამოვნო. მალე  ადამიანები თავად მოძებნიან თქვენს ფოტოებს, როდესაც თქვენი ფოტოების ხარისხი მკვეთრად გაიზრდება საზოგადოების ინტერესთან ერთად. ერთგულება და თანმიმდევრულობა ასევე მოუთხრობს თქვენს აუდიტორიას, რომ სერიოზული და შეპყრობილი ხართ თქვენი საქმით. ეს მათ თვალს თქვენსკენ მომართავს.

5. და ბოლოს, შექმენით ადამიანების რიცხვი, რომელთა ნამუშევრებიც თქვენზე შთაბეჭდილებას ახდენს და მისდიეთ მათ. ყოველთვის შეამოწმეთ მათი ახალი ნამუშევრები.

თქვენი, როგორც ფოტოგრაფის განვითარებას არაფერი ეხმარება უფრო სწრაფად, როგორც  გამოწვევებით სავსე საზოგადოებაში ყოფნა და ცდა, ხელახლა შექმნათ და იფიქროთ ზოგიერთ იდეაზე, რომლებიც უკვე იცით.


თარგმანი – ნინო კაპანაძე
წყარო: https://iso.500px.com/5-ways-can-become-better-photographer/




Monday, February 13, 2017

ბოლო - ზარი და ბანკეტი - ხშირად დასმული შეკითხვები (FAQ's)

ბოლო - ზარისა და ბანკეტების თემაზე სტატია უკვე დავწერეთ, თუმცა ის უფრო სერვისების გაცნობას ეხებოდა და დეტალური შეკითხვებისთვის პასუხები მასში არ წერია.

შეკითხვები კი ბევრია.

შევეცდები ამ სტატიაში თავი მოვუყარო იმ შეკითხვებს რასაც ლიენტები გვწერენ ფეისბუქის გვერდზე ან პირადი შეხვედრებისას გვეკითხებიან.

რატომაა თქვენი ვიდეო ერთსაათიანი და არა 2 ან სულაც 3?

რეალურად ვიდეოს გადაღებისას მასალა ხშირად 3-4 საათის გროვდება, თუმცა გასული წლების გამოცდილებმა გვაჩვენა, რომ გრძელქრონომეტრაჟიან ვიდეოს ხალხი გადახვევებით უყურებს. მაყურებელი გრძელ და მოსაწყენ ვიდეოს აღარ უყურებს და უმრავლესობა არჩევს მოკლე და ხარისხიან ფაილს.


ჩვენ ამ მიზეზიდან გამომდინარე ვარჩევთ 3 საათიანი მასალიდან საუკეთესო და ყველაზე საინტერესო მომენტების ერთ საათამდე დაჯამებას.


რას ნიშნავს სამი კამერა და რატომაა ის საჭირო?

სამი ვიდეო კამერა სამი ვიდეო კამერაა. ხშირად სხვადასხვა სარეკლამო ფლაერებსა თუ განცხადებებში შეიძლება შევხვდეთ ფრაზას ორი კამერით გადაღება, რაც სატყუარას უფრო გავს. რადგან უმრავლეს შემთხვევაში იმ 2-დან მთავარ ვიდეო ფილმზე (1 საათიანი) მხოლოდ ერთი მუშაობს. რადგან მეორე კლიპს იღებს. გამოდის რომ თქვენს საბანკეტო ვიდეოს ერთი და არა ორი კამერა აშუქებს. 

ჩვენთან ასე არაა. სრულ ვიდეოზეც და კლიპზეც მუშაობს სამი ვიდეო ოპერატორი. მათში ფოტოგრაფი არცერთია. ფოტოგრაფი ცალკე მეოთხე ადამიანია. შესაბამისად უმრავლეს შემთხვევაში გვაქვს ერთი მომენტის სამი ან ოთხი (დრონით გადაღებული ციდან) სხვადასხვა კადრი, რაც უფრო საინტერესოს ხდის ვიდეოს.




დისკებს რამდენ ხანში მივიღებთ?

ოო, ეს ერთ-ერთი მტკივნეული თემაა. 

გასული წლების გამოცდილებამ გვაჩვენა რომ სამი კამერით გადაღებულ მასალას დიდი მუშაობა სჭირდება. მასალები პროგრამულად ერთმანეთს უნდა დაემთხვეს, დაიჭრას და სცენარულად დალაგდეს. (სულ მიყრით სადღეგრძელოები რომ არ იყოს ან სულ ცეკვები). რომ 1 საათი რასაც კლიენტი იბარებს, იყოს მართლაც ყურებადი და საუცხოო. 

გასულ წლებში ყოველთვის იდგა დისკების დროულად ჩაბარების პრობლემა. რამაც სიმართლე გითხრათ მხოლოდ ჩვენ სტუდიაზე არ გადაიარა და მსგავს დღეში ბევრი ჩვენი კოლეგა აღმოჩნდა. თუმცა იმ სტრესმა რასაც "დროში დაწვა" იწვევდა, მიგვიყვანა გადაწყვეტილებამდე - დავიმატოთ ერთი მემონტაჟე და ფოტორედაქტორი.

რაც ნიშნავს პროცესის დაჩქარებას. უფრო სწორად ჩვეულ ტემპში მიყოლას. მთელი მუღამი იმაშია, რომ მემონტაჟე და ფოტორედაქტორი გადამღები გუნდის წევრები არ არიან. გადამღები გუნდი (4 - 5 ადამიანი) როცა გადაღებაზეა, ისინი სტუდიაში სხედან და ვიდეო თუ ფოტომასალებს ამუშავებენ. 

ანუ თქვენი ბოლო-ზარი 15 მაისს რომ იყოს თქვენი მასალების დამუშავება შემდეგი დღიდანვე დაიწყება, მიუხედვად იმისა, ჩვენ ძირითადი გუნდი 16-ში ბათუმში წავალთ გადასაღებად თუ ჩხოროწყუში. 

შესაბამისად როცა გასულ წელს თვენახევარში ვაბარებდით დისკებს, იმის წინა წელს კი ორთვენახევარში, წელს ვიდეო მასალები ერთ თვეში უკვე დისკებზე იქნება. ფოტოები კი 10 დღეში სოც. მედია გვერდებზე. 


რატომ უნდა გადავიხადოთ თქვენთან გადაღებაში ძვირი, როცა გადაღებას სხვა სტუდიები 10 და 20 პროცენრით იაფად გვთავაზობენ?

ყველას და ყოველთვის უნდა მაღალი ხარისხის პროდუქტის სწრაფად და იაფად მიღება. გვესმის დღევანდელი ეკონომიური მდგომარეობაც. მაგრამ თუ კარგად დავფიქრდებით ხარისხიან (ნამდვილად ხარისხიან) პროდუქტს იაფად ვერასოდეს იშოვით. ეს ყველაფერს ეხება, ტყავის ფეხსაცმლით დაწყებული ტექნიკით დამთავრებული. 

აქ გასათვალისწინებელია წარმოება, შექმნა. ანუ ჩვენი სერვისი რაიმეს ყიდვას და მერე გაყიდვას ხომ არ ეხება. ეს ნულიდან, არაფრიდან რაღაც საინტერესოს აწყობას უკავშირდება. 1001 ფაილიდან ერთის შეკვრას, სადაც ათასი ნიუანსია გასათვალისწინებელი.

მე მონტაჟზე გესაუბრებით და არა ე.წ. "მიწებებაზე". მათ შორის კი დიდი სხვაობაა. 








"მიწებება" ითვალისწინებს გადაღებული ფაილების ერთ პროგრამაში შეტანას და ერთმანეთზე მიბმას ზევიდან მუსიკის დადებას და ერთ ფაილად შეკვრას. ხშირად "მიმწებებლები", ვისაც მემონტაჟეებს ვერც დავარქმევდით ვიდეო ფაილს (მაგალითად ცეკვა) არც კი უყურებენ. პროგრამულად აჭრიან თავს და ბოლოს (სადაც კადრი გასასწორებელია) და პირდაპირ აწებებენ შემდეგ ფაილს. მსგავსი სამუშაო სტილით ბანკეტების აწყობა ერთ დღეშიცაა შესაძლებელი. მაგრამ ეს მონტაჟი არაა. მონტაჟი, ითვალისწინებს ფაილების შეტანას, დაპაპკავებას და კამერების დამთხვევას. გადაღებული 3 საათის სრულად ყურებას (3 კამერის ყურებას. 3X3 = 9 საათს). ნანახი მასალის დაჭრას, გადასაფარი  კადრების ამოღებას. სცენარის დაწერას. სცენარული თანმიმდევრობით ფაილების გადალაგებას და სამ  კანალზე "გადაკლიპვას".  კამერების გადანაწილებას ისე რომ ერთი  კამერის  კადრი დიდხანს არ დარჩეს და მაყურებელმა არ მოიწყინოს.

მე მაპატიეთ ასე დეტალურად რომ ვწერ, ვიცი ეს მოსაწყენი და ხშირად გაუგებარიცაა უბრალო დამკვეთისთვის, რომელსაც ერთადერთი მოთხოვნა აქვს: "სწრაფად და იაფად მიიღოს კარგი პროდუქტი". მაგრამ ეს შეუძლებელია. კარგი პროდუქტი კარგ შრომასაც მოითხოვს. 

შესაბამისად  კითხვას რომ შეჯამება გავუკეთო. ასე ვიტყოდი: სერვისი ძვირდება სწორედ იმ პროცესისა და მასზე მომუშავე ადამიანების ხარჯზე, რასაც ჩვენთან თქვენი საბანკეტო ვიდეო თუ ფოტო ფაილები გაივლიან. ამიტომ ვპასუხობ ამ კითხვას ასე ვრცლად.







რამდენი ხნით ადრე უნდა დაგჯავშნოთ და წინასწარ რამე თანხის გადახდა თუ მოგვიწევს?

წელს შეკვეთების მიღება ლამის ახალ წელს დავიწყეთ. გასული წლების გამოცდილებამ დამკვეთები (მოსწავლეები, მასწავლებლები, მშობლები) მიახვედრა, რომ რაც უფრო მალე დაიწყებენ სერვისების ძებნასა და დაკავებას, მით უფრო მშვიდად იქნებიან. გასულ წლებში ხშირი იყო შემთხვევა, როცა ყველა სტუდიაში ადგილი დაკავებული აღმოჩნდა და ზოგიერთი სკოლა იძულებული გახდა გადასაღებად არაპროფესიონალები დაექირავებინათ. 

წელს ფოტო-ვიდეო სერვისზე უჩვეულოდ დიდი მოთხოვნაა. ჩვენი სტუდია 10 კლასის გადაღებას გეგმავს. საიდანაც ნაწილი უკვე დაკავებულია. შესაბამისად რაც მალე დაჯავშნით - ათეულში მოხვედრის უფრო დიდი შანსია. 

რაც შეეხება წინასწარ გადასახადს ის მთლიანი თანხის 30% შეადგენს და გადახდილი უნდა იქნეს დაჯავშნისთანავე.

ბანკეტებს და ბოლო - ზარებს მხოლოდ კახეთში იღებთ?

არა გადაღებებზე გეოგრაფიული შეზღუდვა არ გვაქვს. 

ნებისმერ კუთხეში შეგვიძლია გადაღება. თუმცა ის სერვის - პაკეტები რაც წელს გვაქვს, უფრო ძვირდება, რადგან მას ტრანსპორტირებისა და განთავსების თანხა ემატება. ამიტომ დაწვრილებით დეტალებზე უმჯობესია პირადად მოგვწეროთ.


ბანკეტის დიზაინსა და გაფორმებაზეც მუშაობთ?

კი წელს ჩვენი სტუდია ექსკლუზიურად თანამშრომლობს "Toress Events"-თან, რომელიც სპეციალურად ჩვენი კლიენტებისთვის ამზადებს როგორც საბანკეტო დიზაინს, ისე ბოლო-ზარის გაფორმებას. დაწვრილებით დეტალები შეგიძლიათ იხილოთ სტატიის ბოლო ნაწილში.



ვფიქრობ ძირითად შეკითხვებს ამ სტატიით ვუპასუხე. 
თუმცა თუ დამატებითი კითხვა გექნებათ შეგვეხმიანეთ:

Instagram  ● Youtube  ● Pinterest ● Flickr ●
E-mail: g.bejanishvili@gmail.com
Tel: +995 598 00 52 00

Tuesday, February 7, 2017

საქორწინო ვიდეოს გადაღება

საქორწინო ვიდეოს საქართველოში უამრავი სტუდია თუ ინდივიდუალური ოპერატორი იღებს.

ყველას თავისი სტილი აქვს. სტატიაში რომელსაც ახლა კითხულობთ, გაგაცნობთ ჩვენს ვიდეო გადაღების სერვისს და ყველა იმ უპირატესობას რასაც ჩვენ გთავაზობთ.



ვიდეოს გადაღება ორი კამერით + დრონი (ციდან გადაღება):

ვიდეოს გადაღება ჩვენთან ორი კამერით მიმდინარეობს. რაც გვაძლევს საშუალებას სხვადასხვა მოვლენა (ხელისმოწერა, ვრისწერა, თაიგულის სროლა) სხვადასხვა კუთხიდან დავინახოთ. კუთხეების და ხედვის წერტილების მრავალფეროვნება კი საშუალებას გვაძლევს უფრო საინტერესო და დინამიური სანახავი გავხადოთ თქვენი ქორწილის ვიდეო.

ვიდეოს სტილი და ფორმატი:

ერთ-ერთი დიდი სხვაობა რასაც ჩვენ ვთვაზობთ დამკვეთებს - სამონტაო სტილია, რომელიც საშუალებას გვაძლევს საბოლოოდ საინტერესო ფორმატის ვიდეო მივიღოთ. 

ჩვენი ფორმატი 25-30 წუთს შეადგენს. 

ვიდეოს მახასიათებლებზე ბევრს არ მოგიყვებით. ქვემოთ გთავაზობთ ვიდეოს, რომელიც ჩვენი ფორმატის შემოკლებული ვერსიაა. ვიდეოდან ამოღებულია სუფრის ცერემონიები და სადღეგრძელოები. რომლებსაც დიდ ფორმატში ყოველთვის ვდებთ.





ვიდეოს გადაღების საფასური 800 ლარიდან იწყება და ის დამოკიდებულია ქორწილის ლოკაციაზე და მასშტაბებზე. 

ასევე სერვისში შედის 3 წუთიანი ვიდეო კლიპის დამზადება სოციალური ქსელისათვის.

დამატებითი ინფორმაციის მისაღებად მოგვწერეთ ჩვენს ფეისბუქის გვერდზე.

აქვე იხილეთ ინფორმაცია ფოტო და დოკუმენტური საქორწინო ვიდეო სერვისის  შესახებ:


შენიშვნა: ქორწილის ვიდეოს ე.წ. "შავი მასალა" არ გაიცემა კლიენტებზე.

Sunday, February 5, 2017

ბოლო ზარის და ბანკეტის გადაღება + დიზაინი (2017)



ბოლო - ზარებისა და ბანკეტების გადაღება ერთ-ერთი ყველაზე მოთხოვნადი სერვისია. შესაბამისად ამ სერვისის მიწოდებაზე საქართველოში ბევრი სტუდია თუ ოპერატორი მუშაობს.

სტუდიებს შორის კონკურენცია წლიდან წლამდე იზრდება. კონკურენტები კი მუდმივად ახალ და საინტერესო სერვისებს სთავაზობენ დამკვეთებს.

ვთვლით რომ "უცხოგრაფი" ერთ-ერთი იმ სტუდიათაგანია, რომელიც მუდმივად ცდილობს ამ სერვისებში სიახლეების შეტანას. 

წელს "უცხოგრაფი" ექსკლუზიურად "ტორეს ივენთსთან" თანამშრომლობით მრავალფეროვან სერვისებს გთავაზობთ. 

ადავწყვიტეთ, გარდა სტატიისა, ვიზუალური მასალაც მიგვეწოდებინა ჩვენი კლიენტებისათვის. პაკეტები რომლებსაც ჩვენ მომხმარებელს ვთავაზობთ ექვს ერთეულად იყოფა.




იშვიათად, მაგრამ კლიენტები ცალკე ბოლ-ზარის გადაღებასაც ითხოვენ. სწორედ ამიტომ წელს ჩვენი სტუდია ბოლო ზარების ორ სასერვისო შეთავაზებას წარმოგიდგენთ.



"LAST BELL" Econom

დაინტერესებულ პირებს ვთავაზობთ ბოლო ზარის ღონისძიების (სასცენო წარმოდგენის) და სასკოლო სეირნობის გადაღებას სამი ვიდეო კამერით. სცენა მუდმივი დინამიური ცვლადი კადრებით ყოველთვის უფრო საინტერესო სანახავია. ამასთან მიღებული მასალიდან მომზადდება ვიდეო კლიპი სოციალური ქსელისთვის. მოსწავლეების განწყობას ასევე აფიქსირებს ფოტოგრაფი.


"LAST BELL" Premium

ამ პაკეტში წინა პაეტისგან განსხვავებით დრონის მომსახურება ემატება. ციდან გადაღება უფრო საინტერესოდ წარმოაჩენს ბოლო ზარის გარე აქტივობებს. 




  ცალკე ბანკეტის გადაღების შემთხვევაშიც ორი პაკეტი გვაქვს. 
     




















PROM Econom:

ბანკეტის ამ სერვისში კლიენტებს ვთავაზობთ 1 საათიანი მაღალი ხარისხის ვიდეოს, რომელსაც სამი ვიდეო ოპერატორი იღებს. გადაღებული მასალიდან 3 წუთიან ვიდეო კლიპს სოციალური ქსელებისთვის და ულიმიტო ფოტო მომსახურებას. აქვე დავამატებთ, რომ ჩვენთან ყველა ფოტო მუშავდება.


PROM Premium:

ამ სერვისის მომზადებაზე დიდი ხნის წინ დავიწყეთ მუშაობა.

პაკეტის მთავარი ღირსება იმაშია, რომ ის ვიდეო და ფოტო მომსახურების გარდა, საღამოს ორგანიზებასაც მოიცავს. გარდა 3 კამერის და დრონით მომსახურებისა, ჩვენი გუნდი გთავაზობთ: მაღალი დონის აუდიო აპარატურის უზრუნველყოფას, საღამოს წამყვანს (გასართობი პროგრამით: კარაოკე, ცეკვის კონკურსი...) და მომღერალს. ასევე  ღამის 23:00 საათიდან დიჯეი სეტებს - ყველა დროის საცეკვაო მუსიკით.




     
როგორც ნახეთ ზემოთ აღნიშნული სერვისები ცალკეულად არის შემოთავაზებული. ქვემოთ კი ბოლო ზარისა და ბანკეტის საერთო შეკვეთის შესახებ მოგაწვდით ინფორმაციას.




"LAST BELL" + PROM Econom 

ამ სერვის პაკეტის არჩევის შემთხვევაში თქვენს ბოლო ზარსა და ბანკეტსაც ოთხი ვიდეო (3 ძირს და ერთი ციდან) და ერთი ფოტო კამერით გადავიღებთ.

მიღებული მასალიდან 2 სხვადასხვა დისკზე მზადდება ერთ საათიანი ვიდეოები (ბოლო ზარს + ბანკეტი = 2 საათი ვიდეო). ასევე ცალ-ცალკე დისკად მზადდება თქვენი ფოტოები. ამ სერვისის დაკვეთის შემთხვევაში იწყობა ერთი ვიდეო კლიპი.


"LAST BELL" + PROM Premium

ეს ჩვენი სერვისებიდან ყველაზე ძვირადღირებულია.

ის აერთიანებს ყველა ზემოთჩამოთვლილ პაკეტებსა და მომსახურებებს. ამ სერვისის არჩევის შემთხვევაში კლასს მხოლოდ დარბაზის, ტორტისა და ფეიერვერკის შეკვეთა მოუწევს. გადაღებაზე, მუსიკალურ აპარატურაზე, საღამოს პროგრამასა და გართობაზე სტუდია იღებს პასუხისმგებლობას. 








კიდევ ერთი დიდი სიახლე და ორიგინალური სერვისი რაც წელს გვინდა შემოგთავაზოთ დიზაინ მომსახურებაა. 

გასული წლების გამოცდილებამ გვაჩვენა, რომ ეს მნიშვნელოვანი ივენთები პროფესიონალი დიზაინერის  და დეკორაციების გარეშე უღიმღამო და უინტერესოა. სწორედ მეტი ვიზუალიზაციისა და            ორიგინალური მასალის შექმნის მიზნით გადავწყვიტეთ თანამშრომლობა TORESS Events-თან.


წელს TORESS Events და უცხოგრაფი ექსკლუზიური პარტნიორობის ფარგლებში წარმოგიდგენთ შემდეგ სერვისებს და ფასებს ერთ პერსონაზე.






















სპეც შემოთავაზება

იმ შემთხვევაში თუ აირჩევთ უცხოგრაფის "LAST BELL" + PROM Premium პაკეტს და Toress Events-ის დიზაინს "ფოტო ზონა + ფუშეტი + ბანკეტის დეკორაცია" ძველი ფასის - 150 + 20 + 40 + 50 = 260 ლარის ნაცვლად იმოქმედებს სპეც შემოთავაზება - 200 ლარი ერთ პერსონაზე.

სასურველი სერვისისა თუ მომსახურების შესახებ დამატებითი ინფორმაციის მიღება შეგიძლიათ ამ სტატიის მეშვეობით, ასევე, ჩვენს ფეისბუქ გვერდზე ან პირად ნომერზე დაკონტაქტებით.

დიზაინთან დაკავშირებული შეკითხვებისთვის გთხოვთ მიმართოთ Toress Events.



გასული წლის ბანკეტების სანახავად ეწვიეთ ჩვენ ფლეილისტს იუთუბში.


პ.ს. სტუდია "უცხოგრაფის"  მდებარეობაა კახეთი, ქალაქი თელავი. 

თუმცა ყველა ზემოთ ჩამოთვლილი სერვისის მიღება შესაძლებელია საქართველოს ნებისმიერ კუთხესა და ქალაქში ფასების მოდერაციით. ზემოთ ჩამოთვლილი ფასები მოქმედებს კახეთის არეალზე. სხვა ქალაქებიდან სერვისისა და ფასების შესახებ ინფორმაციის მისაღებად გთხოვთ მოგვწეროთ ჩვენს ფეისბუქ გვერდზე.

Instagram  ● Youtube  ● Pinterest Flickr ●
E-mail: g.bejanishvili@gmail.com
Tel: +995 598 00 52 00

Related Posts Plugin for WordPress, Blogger...