გამარჯობა
უდაბნოს სოფლის ფესტივალის შესახებ მედია ორგანიზაცია "Go Group"-ისგან გავიგე. სწორედ ამ ორგანიზაციის მიწვევით ჩავედი სოფელ უდაბნოში. გზაში ვფიქრობდი, ნეტა რა ფესტივალი უნდა იყოს ამ უცნაურ და ცივილიზაციას მოწყვეტილ ადგილას მეთქი, მაგრამ ნანახმა ყოველგვარ მოლოდინს გადააჭარბა. ძალიან ძალიან საინტერესო ხალხით სავსე დარბაზი და ბევრი სიურპრიზი დამხვდა უდაბნოში.
გავარკვიე რომ ღონისძიება საგარეჯოს რაიონის სოფელ უდაბნოში უკვე მეორე წელია ტარდება და მას ორგანიზაცია "დრონი" და ამ ორგანიზაციის პარტნიორი ევროპული იორგანიზაციები ატარებენ. ზოგადად საღამოზე თვალშისაცემი იყო უცხოელების და სვანების რაოდენობა. სვანების რადგან, სოფელი უდაბნო სვანებით ყოფილა დასახლებული. ამ უცნაურმა სინთეზმა საკმაოდ საინტერესო შედეგი გამოიღო და ფესტივალის გახსნისთანავე აქტიურად დავიწყე ფოტოების გადაღება.
დარბაზის ერთ კუთხეში მოწყობილი იყო "Go Group"-ის ავტორების ფოტო გამოფენები და მეც ვინაიდან ამ ორგანიზაციისთვის ფილმებს ვიღებდი, ჩართული ვიყავი გამოფენაში. სულ ჩემი 8 ფოტო იყო წარმოდგენილი. რომელთაგან "ხანუმების" და "უცნობი გოგონას" ფოტომ ყველაზე დიდი მოწონება დაიმსახურა.
გახსნის ცერემონიალის შემდეგ დაიწყო "უნარების" ვორქშოფები: ვიდეო გადაღებაზე, ცეკვაზე, ხელსაქმეზე და ფოტოგრაფიაზე, რომელსაც მე ვუძღვებოდი. ტრენინგის ჩატარება აუდიტორიიდან გამომდინარე ქართულ და ინგლისურ ენაზე მომიწია. დამსწრე საზოგადოებას 2 საათის განმავლობაში ვესაუბრე ფოტოგრაფიის ისტორიასა და კომპოზიციის ე.წ. წესების შესახებ.
შუადღეს ფესტივალს შოთა ადამაშვილი შემოუერთდა და თავისი ქანთრი მუსიკით ყველა ააცეკვა და აამღერა.
იყვნენ ადგილობრივი შემსრულებლებიც, მოცეკვავეები, მომღერლები . . .
აქვე მუშაობდა სამზარეულოც, სადაც ხაჭაპური, კუბდარი, ტკბილეული და წვენები იყიდებოდა.
გამოფენისა დასასრულს ფოტოები სტუმრებმა მთხოვეს და მეც სიამოვნებით გავაჩუქე.
ფესტივალიდან ძალიან კმაყოფილი და ბედნიერი დავბრუნდი. ბევრი კრეატიული ადამიანი გავიცანი, მივიღე საინტერესო შემოთავაზებები და იმედს ვიტოვებ ფესტივალს მომავალ წელსაც ვეწვევი.
მომავალ შეხვედრამდე!!! <3
