გქონდეს უამრავი საქმე და იყო მოწესრიგებული - ეს ჩემი მიზანია.
მოწესრიგებულობა კი მხოლოდ ფოტოგრაფიაში არ გამოიხატება. ის აგრეთვე იმ მცირე დეტალებშია, რომლებიც ერთიანად ქმნიან ბიზნესს. ბიზნესის წარმოვება კი მისი შედეგებისთვის თვალყურის დევნების გარეშე ცხადია შეცდომაა.
ტრადიციულად თვის ბოლოს მინდა გასული დღეების შედეგები შევაჯამო და თავი მოვუყარო ყველაფერ იმას რაც თებერვალში "უცხოგრაფში" მოხდა.
სულ სტუდიაში 12 შეკვეთა შემოვიდა, რომელთაგან ერთს დროის უქონლობის გამო უარი ვუთხარით.
11 შეკვეთიდან -
7 ფოტო,
2 ვიდეო,
1 დიჯეი,
1 ანიმაციური ვიდეო მომსახურებაზე იყო.
სულ შევასრულეთ:
8 ფოტო შეკვეთა (აქედან ორი წინა თვეს დაჯავშნილი შეკვეთა);
2 ვიდეოს შეკვეთა (დეკემბერში დაწყებული 2 პროექტი დავასრულეთ);
1 დიჯეი მომსახურება ;
დავიწყეთ -
ერთი ვიდეო მომსახურების შესრულება, რომელიც 9 თვიანი პროექტია.
ასევე ანიმაციური ვიდეოს პროექტი, რომელიც მარტში უნდა დავასრულოთ;
მოლაპარაკების პროცესში ვართ -
ერთ ვიდეო სერიების პროექტზე, რომელიც 4 თვეს გრძელდება;
უცხო გადაღებაზე (ლევან დვალის ფოტოები)
სულ შესრულებული 8 ფოტო მომსახურებიდან:
1 ქორწილის,
2 დასუფთავების აქციის,
2 ტრენინგის,
2 კორპორატიული წვეულების,
1 პროდუქციის სარეკლამო ( მინანქარის სამკაულების) ფოტო მომსახურება გავწიეთ.
თებერვალში შესრულებული 11 შეკვეთიდან:
5 - B2O ( Business to Organisation)
4 - B2C ( Business to Customers)
1 - B2B ( Business to Business)
1 - B2G ( Business to Government) იყო.
შემდეგი თვისათვის ამ ეტაპზე არცერთი შეკვეთა არ მიგვიღია, გარდა ვიდეო სერიების მომზადებისა, რომელიც თუ მოლაპარაკება შედგება 15 მარტიდან უნდა დაიწყოს;
თებერვლის გამორჩეული მოვლენა 2 წარმატებული პროექტი "გასული კვირის ფოტოები საქართველოდან" და "კვირის სეირნობები"-ია, რომელიც ჩვენ ბლოგზე მიმდინარეობს.
რაც შეეხება სოც მედიას და ბლოგს:
ამ თვეში ფეისბუქის გვერდი საკმაოდ აქტიურად მუშაობდა და შესაბამისად მაღალი იყო ჩართულობა;
ბლოგზე კი ამ სტატიის ჩათვლით 14 პოსტი გამოვაქვეყნეთ;
"400 000 გეგმის" მიხედვით, რომელიც ჩვენი წლის გეგმაა, სულ ამ თვეში 13 სტატია გვჭირდებოდა (სულ წელიწადში 150) და ის წარმატებით შევასრულეთ.
დაგვემატა 2 ახალი ბლოგერი სალომე მჭედლიშვილი და გვანცა დოლუაშვილი;
ასევე წლის გეგმის შესასრულებლად თვიური 35 613 ნახვა იყო საჭირო, რომელიც ამ სტატიის მომზადების მომენტში 35 818-ს შეადგენს. (სტატია იწერება 27 თებერვალს, 22:30 წუთზე).
ამ ეტაპზე სულ ეს იყო;
გაგვიაზიარეთ რას ფიქრობთ ჩვენ შესახებ, რამდენად მოგწონთ ჩვენი შეჯამებები და შემართება?
მომავალ შეხვედრამდე.
ავტორი: გიო ბეჟანიშვილი
