კომპოზიციის აგების 7 წესი და იდეები ფოტოგადაღებისთვის

როგორ ფიქრობთ რატომ არის მოგზაურობის ამსახველი ფოტოები განსაკუთრებით შთამბეჭდავი? ბუნებრივია ყველას სხვადასხვა რეაქცია და ესთეტურობის შეგრძნება აქვს. თუმცა, არსებობს რამდენიმე ძირითადი ინგრედიენტი, რომელთა შერწყმით იქმნება შესანიშნავი გამოსახულება.  ესაა: საინტერსო ობიექტი, ემოციური იმპულსი, სწორად შერჩეული კამერის რეჟიმი და ძლიერი კომპოზიცია. წესები შესაძლოა სხვადასხვა იყოს. თქვენი ობიექტი  და ისტორია, რომლის თხრობაც გსურთ,  თავად მიგანიშნებთ თუ რომელი კომპოზიციური წესის გამოყენებაა საჭირო. რა თქმა უნდა წესები ხანდახან დარღვევასაც მოითხოვს. ამჯერად, გთავაზობთ კარგად დაბალანსებული ფოტო კომპოზიციის შექმნის რამედნიმე იდეას, შემდეგ ნაწილში კი ვისაუბროთ თუ როგორ დავარღვიოთ ყველა წესი ერთად. 


1.     მესამედების წესი

მესამედების წესი ერთ-ერთი საკმაოდ ხშირად გამოყენებადი და პირველია რასაც დამწყები ფოტოგრაფები სწავლობენ კომპოზიციების აგებისას. ესაა ობიექტის ცენტრიდან (ე.წ “dead center“) ჰორიზონტალური და ვერტიკალური მიმართულებით  გადატანა-გადანაცვლება  მესამედებად დაყოფილი ბადის საშუალებით. სასურველი შედეგისთვის უმჯობესია თუ ობიექტს მოვათავსებთ ერთ-ერთ ხაზზე ან მათი (ხაზების) გადაკვეთის წერტილში. შედეგად ვიღებთ უფრო დინამიურ და ვიზუალურად საინტერესო გამოსახულებას.  

იგივე წესი ვრცელდება როდესაც კადრში შემოდის ჰორიზონტი. შეეცადეთ დაამთხვიოთ იგი თქვენს ერთ ერთ ხაზს სამეულიდან. ამითი გამოვკვეთთ მიწის ზედაპირს (ან წყლისას) ან ცას. გააჩნია რა ეფექტის მიღება და რისი გადმოცემა გსურთ ფოტოს საშუალებით.

      2. სიმეტრიული კომპოზიცია

საინტერესო არქიტექტურა მოხვდა თქვენს ობიექტივში თუ ესაა ანარეკლი ტბიდან, გამოიყენეთ სიმეტრიული კომპოზიციის მეთოდი, რომელიც გაამყარებს ხაზებს და გახდის გამოსახულებას უფრო ძლიერს. ეკრანზე არსებული ბადე დაგეხმარებათ  საგნების  მეტი სიზუსტით განლაგებაში გადაღებისას. სიმეტრიული გამოსახულებები ერთგვარი სტაბილურობის,  სიმყარის და ბალანსის შეგრძნებას ტოვებს.  

    3.  ხაზები/დიაგონალები/მრუდები

თუ ისწავლით როგორ დაინახოთ კომპოზიციის ელემენტები, მათი საუკეთესოდ გამოყენების უნარებსაც აითვისებთ. ეძებეთ ხაზები, დიაგონალები/მრუდები. დიაგონალების გამოყენება გამოსახულებას უფრო დინამიურს ხდის. და ძლიერ შთაბეჭდილებასაც ახდენს მაყურებელზე. 

4. მიმართულების მქონე ხაზები

მას შემდეგ, რაც აღმოაჩენთ ძირითად ობიექტს, დააკვირდით და მოძებნეთ ხაზები, რომლებიც გარკვეულ შინაარსს მიანიჭებს გამოსახულებას და მაყურებლის ყურადღების ველში მოაქცევს თქვენთვის მნინელოვან საგანს ან ობიექტს. ვიწრო ქუჩები, მოაჯირები, გალავნები,  ქუჩების რიგი - ნებისმიერი ერთ წერტილში თავმოყრილი ან მიმართულების მქონე ხაზი შესაძლოა გამოგადგეთ ამ ეფექტის მისაღებად.

     5. სამკუთხედები

თუ თქვენი კომპოზიცია შედგება სამი ძირითადი ელემენტისაგან და შესაბამისად იყენებთ დინამიური სამკუთხა კომპოზიციის წესს, რაც შეიძლება გაამარტივეთ და მოაშორეთ ზედმეტი ნაწილები ან საგნები მხედველობის არეს.

6. გამრუდება

თუ ფართო კუთხიანი ან ე.წ „fisheye“ - "თევზთვალა ლინზა" გაქვთ, მიმართეთ ხაზები გამოსახულების პროპორციების გამრუდების ეფექტისთვის. არქიტექტურის ან პეიზაჟის შემთხვევაში, როცა ძლიერი გრაფიკული ელემენტები შემოდის ეს ხერხი განსაკუთრებით კარგად მუშაობს. რასაც ვერ ვიტყვით ადამიანების და მათი პორტრეტების გადაღების დროს. 

7. ჩარჩო ჩარჩოში

ბუნებრივი ფორმები უფრო თვალშისაცემს ხდიან საგნებს, თქვენი ობიექტივიდან მაყურებლისთვის. ჩარჩო არ გულისხმობს გამოსახულების  ოთხივე მხრიდან არსებული სივრცეების გადავსებას. ორი ან სამი საინტერესოდ დატვირთული მხარეც საკმარისია ზოგჯერ. 

სავსებით მისაღებია კომპოზიციის რამდენიმე წესის ერთად თამოყრა უკეთესი ეფექტისთვის. მაგალითად, გაშუალებული - ცენტრში მყოფი ობიექტი მიმართულების მქონე ხაზებითურთ, ან მესამედების წესს + დიაგონალები. გაავარჯიშეთ თვალი რომ ადვილად შენიშნოს ის ელემენტები რაც გჭირდებათ გამოსახულების გასაუმჯობესებლად. 

შექმენით და გაგვიზიარეთ! 

ორიგინალი წყარო :7 Composition Rules and Ideas for More Confidence in Photography (part I)

თარგმანი: მარიამ ფედროვი

Read More

10 რჩევა წარმატებული ქუჩის ფოტოგრაფიისთვის

ქუჩის ფოტოგრაფია დოკუმენტურად ასახავს საზოგადოების ყოფას და ყოველდღიურ რეალობას. შთამბეჭდავი კადრების გადასაღებად აუცილებელი არაა სხვადასხვა ადგილას მოგზაურობა, ქუჩა თავისთავად გაძლევთ ამის შესაძლებლობას.

როგორც წესი ფოტოებს სუბიექტის ნებართვის და გაფრთხილების გარეშე ვიღებთ, თუმცა, ქუჩის ფოტოგრაფია არ გამორიცხავს დადგმულ სცენებს. მიზანში ამოიღეთ საინტერესო კომპოზიცია, რომელმაც თქვენი ყურადღება მიიპყრო? მიდით უცხო ადამიანებთან და თხოვეთ ნებართვა ფოტოს გადასაღებად. კონკრეტული ადამიანის (ადამიანების) პირად  სივრცეებში გადაღებული პორტრეტი უფრო საინტერესო და ინტიმური გამოდის.

ყველაზე მნიშვნელოვანია თავად გსიამოვნებდეთ კამერით ხელში ქუჩებში ხეტიალი. გახსოვდეთ, თქვენი მიზანია დააფიქსიროთ ემოციები, და წარმოაჩინოთ პიროვნების ხასიათი. ცოტა პრაქტიკა, ბევრი მოთმინება და აუცილებლად მიაღწევთ შედეგს.

#1 : საუკეთსო ლინზის შერჩევა

ლინზის არჩევა ყველაზე მნიშვნელოვანი ფაქტორია ქუჩის ფოტოგრაფიისთვის. შასაძლოა ცდუნდეთ ე.წ ტელეფოტო ლინზის გამოყენების სურვილით, მაგრამ უმეტეს შემთხვევაში ეს არაეფექტურია.  არ დაემსგავსოთ უსიამოვნო და საეჭვო გარეგნობის ტიპს, რომელიც გიგანტური ლინზით ხელში ქუჩის მეორე მხარიდან „უთვალთვალებს“ უცნობებს. თუ გინდათ რომ შეუმჩნეველი იყოთ მიუახლოვდით საგანს და აღმოჩნდით მოქმედების ეპიცენტრში. გამოიყენეთ ფართო კუთხიანი ლინზა  და შეერიეთ მასას.  ქუჩის ფოტოგრაფების უმეტესობა უპირატესობას კომპაქტურ კამერას ანიჭებს, რომელიც DSLR - ისგან განსხვავებით,  გაცილებით პატარა და მეტად მსუბუქია.

#2: რეჟიმები

მომართეთ თქვენი კამერა - AV (Aperture value) რეჟიმზე, შეარჩიეთ f-სტოპი და ISO მართეთ ხელით. მექანიზმი  თავად გადაწყევტს ჩამკეტის სიჩქარეს. კაშკაშა მზის შუქის შემთხევაში უმჯობესია f/16  - ISO 200-400 შორის. 

თუ თქვენი კამერის ჩამკეტის სიჩქარე 1/180-ზე დაბალია, შესაძლოა გადღაბნილი გამოსახულება მიიღოთ. თუმცა, გადღაბნა ზოგჯერ საინტერესო ეფექტსაც ქმნის. თუ დამწყები ფოტოგრაფი ხართ შეგიძლიათ კამერა მართოთ P რეჟიმზე (ავტომატური პროგრამირება) და მექანიზმი თავად შეარჩევს საჭირო ფუნქციებს.

როდესაც იღებთ გარბენის ან მოძრაობის მომენტს და დრო არ გაქვთ ფიქრის, რეჟიმების შერჩევისას იყავით ყურადღებით. ავტო პროგრამირების რეჟიმი ზუსტ საქმეს აკეთებს, მაგრამ დაბალი განათების შემთხვევაში დიდია ალბათობა იმისა, რომ ჩამკეტის სიჩქარე არასაკმარისი აღმოჩნდება სასურველი მოქმედების დასაფისირებლად. 

#3: მიუახლოვდით საგნებს

ფართო კუთხიანი ლინზის გამოყენების დროს მნახველს შეგრძნება ეუფლება, თითოს გადაღების მომენტის მონაწილე გახდა. ქუჩის კუთხეში დგომის ნაცვლად, თქვენ შეგიძლიათ მარტივად შეერიოთ ხალხს და თავი  გარემოს ნაწილად იგრძნოთ .

ქუჩის უამრავი წარმატებული ფოტო, ძირითადად გადაღებულია მოქმედებისგან რამდენიმე მეტრის ან სანტიმეტრის დაშორებით. გადატვირთულ ქუჩებში, მარკეტში ან პარკში  ფეხით სიარულის დროს აუცილებლად წააწყდებით საინტერესო კადრს, თუ რა თქმა უნდა, ყურადღებით ხართ. თუ გინდათ კადრში მოხვდეს ის,  რასაც თქვენ ხედავთ, აუცილებელია  მიუახლოვდეთ ობიექტს. 

#4: ყოველთვის თან იქონიეთ კამერა

ქუჩის ფოტოგრაფიისთვის დამახასიათებელია  სპონტანურობა. პრაქტიკის საშუალებით ეს უნდა გაითავისოთ. თქვენი კამერა თვენივე ნაწილია, ესაა სამყაროს თქვენეული  ხედვის გადმოცემის და გაზიარების საშუალება. ჰოდა, დარწმუნებული ვარ არ გენდომებათ ძალიან მაგარი კადრის ხელიდან გაშვება კამერის უქონლობის გამო.ამას ქვია გადამწყვეტი მომენტი, როდესაც წამის მეასედები გაქვთ კადრის  დასაფიქსირებლად. მეორე შანსი თითქმის იშვიათობაა, ასე რომ მზად იყავით !

#5: ყურადღება არ მიაქციოთ ხმებს თქვენს გონებაში

ხშირად საკუთარ აზრებს თავადვე ვებრძვით. ზოგჯერ გვეშინია, რომ ადამიანები გაბრაზდებიან, ფიზიკურ ძალადობად ჩათვლიან და უარესს შემთხვევაში პოლიციას გამოიძახებენ, იმის გამო, რომ უბრალოდ ფოტოს უღებთ მათ. შემოგთავაზებთ რამდენიმე რჩევას, როგორ დაძლიოთ შიში.

იპოვეთ საინტერესო ადგილი, სადაც მოთავსდებით თქვენს აპარატთან ერთად. მოგზაურობისას, ძალიან დიდ დროს ვატარებ კაფეებსა და რესტორნებში და მუდმივად  მომარჯვებული  მაქვს კამერა. კომფორტული ადგილიდან დაკვირვებისას თავს თავისუფლად და მშვიდად იგრძნობთ, დაელოდებით ხელსაყრელ მომენტს. თანაც ამ შემთხვევაში ნაკლები შანსია შეგამჩნიონ, ვიდრე შუა ქუჩაში დგომისას.

ჩართეთ აიპოდი და მოუსმინეთ მუსიკას. მუსიკა დაგეხმარებათ გადაიტანოთ ყურადღება, მოიშოროთ უხერხულობა და მიყვეთ შემოქმედებით შთაგონებას. თუ თავს კომფორტუალდ გრძნობთ ეს ნიშნავს, რომ მზად ხართ გადაღებისთვის. და კიდევ ერთი რამ, არ გირჩევთ ყურსასმენებით მოძრაობას ღამით და განსაკუთერბით უცხო და უკაცრიელ ადგილებში. 

#6:  გამოიყენეთ მუხლები

ქუჩის ფოტოგრაფიის მთავარი წესი - გადაიღებისას კამერა იქონიეთ თვალთან. თუმცა, ზოგჯერ არის მომენტები, როცა ეს შეუძლებელია, ასეთ დროს კამერის მუხლზე მოთავსება  არის კარგი მეთოდი გადამწყვეტი კადრის გადასაღებად.

ქუჩაში პირველი გადაღებებისას, კამერის თვალთან ჭერის სირთულეს წავაწყდი. ამიტომაც დავიწყე კამერის მუხლზე მოთავსება მეტად რეალისტური კადრების დასაფიქსირებლად. ბევრი წარუმატებელი მცდელობის მიუხედავად თანდათან ეს  მეთოდი გავითავისე, კამერა მეტად ახლობელი გახდა ჩემთვის და ფოკუსური მანძილის კონტროლიც დავხვეწე. 

#7: გადაიღეთ ღამით

ღამის ქალაქი კარგი შესაძლებლობაა უნიკალური ფოტოების გადასაღებად. დღის ფოტოგრაფიასთან შედარებით  ეს მეტ სირთულეს წარმოადგენს.  ყურადღებით იყავით ჩამკეტის დაბალ სიჩქარეებთან, რათა თავიდან აიცილოთ ბუნდოვანი გამოსახულება. გამოიყენეთ ISO  დაბალი განათების დასაბალანსებლად.

თუ ხანგრძლივი ექსპოზიციის გადაღებას გეგმავთ თან იქონიეთ შტატივი. ან სწრაფი დიაფრაგმის მქონე ლინზა, რაც დაბალი განათების შემთხვევაში შესაძლებლობას მოგცემთ დააფიქსიროთ მოქმედება. ღამის გადაღებების დროს შეეცადეთ აღმოაჩინოთ საინტერესო კონტურები, ჩრდილები და კომპოზიციები რათა მიიღოთ მკაფიო გამოსახულება. სილუეტური ობიექტები საინტერესო კომპოზიციას ქმნიან ჩრდილების საშუალებით.

#8: იფიქრეთ მასშტაბურად

ძლიერი ემოციების და მნიშვნელოვანი იდეების გადმოცემა შესაძლებელია ძალიან მარტივი სცენებითაც. ბევრი ადამიანი ქუჩის ფოტოგრაფიას აიგივებს ქუჩაში გადაღებულ ადამიანის პორტრეტებთან. არ არის აუცილებელი კადრში იყოს ადამიანი ან ადამიანები, კონტრასტული საგნები  გვერდიგვერდ  ან სხვადასხვა პლანში.

შეგიძლია გაერიდოთ ხალხმრავალ ადგილებს, მოძებნოთ წყნარი ქუჩის კუთხე ან ხეივანი. ასეთ ადგილებში უამრავი შესაძლებლობაა ნებისმიერი სახის სიუჟეტის დასაფიქსირებლად ადამიანების გარემოცვით თუ მათ გარეშე.

ვიეტნამში, ქუჩებში ხეტიალის დროს პერიოდულად ვიღებდი ველოსიპედებს ჩემი მცირე სერიისთვის სახელად „Transportation-ტრანსპორტირება“, რაც საკმაოდ პოპულარული თემაა ფოტო საზოგადოებაში. რაღაც განსხვავებულის კეთების დროს თავში ბევრი საინტერესო სერიის იდეა მომივიდა, რომელზეც მანამდე არასდროს მიფიქრია. 

#9: მხოლოდ ხარისხი არ არის მნიშვნელოვანი

ალბათ ზოგიერთი ფოტოგრაფი არ დამეთანხმება, თუმცა პირადი გამოცდილებით გეტყვით, ქუჩაში გადაღებისას  არ ვკონცენტრირდები ფოტოს ხარისხზე. პეიზაჟების ან კომერციული ფოტოგრაფიის დროს, კიბატონო. რა თქმა უნდა მაღალი ხარისხით უნდა გადაიღოთ თუ ამის შესაძლებლობა არის, მაგრამ, როგორც აღვნიშნე ქუჩის ფოტოგრაფიაში ეს არცისე მნიშვნელოვანია. ჩემი აზრით, კომპოზიცია, განათება, ცოტა დრამატიზმი და ისტორია რომელიც გინდათ გადმოსცეთ ხარისხზე მნიშვნელოვანია. თუ ამ 4 ნიშნით იღებთ ფოტოებს ე.ი სწორ გზას ადგახართ.

კონცენტრირდით მნიშვნელოვანზე. ჩრდილები, სუფთა გამოსახულება და ფოტოს ხარისხი უმნიშვნელოა, როცა არც თუ ისე კარგი კომპოზიცია, განათება და ატმოსფერო  გაქვთ მთელი ამბის  გადმოსაცემად. 

#10 ყველაზე მნიშვნელოვანი - გაერთეთ

ნებისმიერი ჟანრის ფოტოგრაფიისთვის მნიშვნელოვანია, მიიღოთ სიამოვნება. წინააღმდეგ შემთხვევაში, გამოგივათ ჩვეულებრივი, სამოყვარულო დონის ფოტოები. შემოქმედებითი მუხტი იბადება ძლიერი გრძნობისგან, ამიტომ აკეთეთ ის, რაც ნამდვილად განიჭებთ სიამოვნებას. ნუ იქნებით დამოკიდებული სხვების შეხედულებებზე, თუ რისი ნახვა სურთ ადამიანებს. ქუჩაში გადაღება საინტერესო ადამიანებთან შეხვედრის და მათი ყოველდღიურობის ასახვის საშუალებაა. ეს მე შთამაგონებს. 

წყარო: 10 Tips for Successful Street Photography
თარგმანი: მარიამ ფედროვი

Read More

21 რჩევა როგორ გადავუღოთ წარმოუდგენლად მაგარი ფოტოები კატას.

ზორან მილუტინოვიჩი არის ცხოველთა პროფესიონალი ფოტოგრაფი. კატებზე შეყვარებული ფოტოგრაფი იღებს მათ ყოველ უცნაურ და მოხერხებულ მოძრაობას, ჩვევებს და სახის გამომეტყველებას. მისი ფოტოები გამოქვეყნებულია ჟურნალებში, ვირტუალურ გალერეებში, მისალოც ბარათებზე, კალენდრებზე, მობილურ აპლიკაციებზე, შპალერებზე, პოსტერებსა და წიგნების გარეკნზე.

თუ გსურთ გქონდეთ კატების ძალიან მაგარი ფოტოები, ამ სტატიის საშუალებით ავტორი გაგიზიარებთ რამდენიმე პროფესიონალურ რჩევას, რომელიც გამოგადგებათ  შთამბეჭდავი ფოტო-გადაღებებისთვის .

როგორ გადავიღოთ კატები

იმისთვის რომ,  წარმატებული ფოტოგრაფი გახდეთ, აუცილებლია ახალი უნარების ათვისება, ეძებეთ ახალი იდეები და ინსპირაციის წყაროები. ცუდი არაფერია იმაში თუ ხანდახან სხვა ფოტოგრაფების ნამუშევრებსაც გადახედავთ, მაგრამ საკუთარი სტილის შექმნა ყველაზე მნიშვნელოვანია. უბრალოდ აკეთეთ ის რაც გიყვართ და გიყვარდეთ ის, რასაც აკეთებთ. შედეგი არ დააყოვნებს.!

კატები ჩემი მთავარი გატაცებაა ცხოვრებაში. 

გახსოვდეთ, ფოტო-გადაღებისას იმეგობრეთ მათთან და თქვენი ფოტოები უამრავი ემოციით დატვირთული იქნება. მოთმინებით იყავით და გამოიჩინეთ პატივისცემა ობიექტის მიმართ. არასოდეს დააძალოთ  ცხოველს გააკეთოს რამე თავისი სურვილის საწინააღმდეგოდ. 

წარმოგიდგენთ რამდენიმე ხრიკს ფოტო-გადაღებისთვის 

1. მუდმივად თან იქონიეთ ფოტოაპარატი. არ გამოტოვოთ შესაძლო მოულოდნელი სიტუაციები, რომელებიც ასე დამახასიათებელია კატებისთვის. აღმოჩნდით საჭირო დროს  საჭირო  ადგილზე, არასდროს იცი როდის წააწყდები უნიკალურ და ულამაზეს კატას სასაცილო ქცევებით. 

2. მიიქციეთ მათი ყურადღება მათივე ცნობისმოყვარეობის მეშვეობით. კატებს განსხვავებული მახასიაებლები და თვისებები აქვთ. ისინი მსგავს სიტუაციებში მოქმედებენ განსხვავებულად, მაგრამ ერთი, რამ რაც ნამდვილად საერთო აქვთ ესაა ბუნებრივი ცნობისმოყვარეობა. ეს აუცილებლად უნდა გამოიყენოთ თუ გინდათ მოიქცეს ისე, როგორც თქვენ გსურთ.

თითების ტკაცუნი, ქაღალდის ან ფოთლების შრიალი, კენჭების სროლა - საუკეთესო გზაა მათი ყურადღების მისაქცევად. ისროლეთ კენჭი იმ მიმართულებით, სადაც მისი გადაღება გსურთ. ცნობისმოყვარე კატა აუცილებლად მივა და შეამოწმებს რა ხდება ადგილზე. შემდეგ შეგიძლიათ ქაღალდიც აშრიალოთ, ამით  თქვენკენ შემოაბრუნებთ მას.

3. მოთმინება იქონიეთ. ნუ იღელვებთ თუ პირველი მცდელობა წარუმატებელი აღმოჩნდება. კატების გადაღების მთელი ხიბლი  ეს მათივე ტერიტორიაა. გახსოვდეთ, თუ თქვენი სურვილები ერთმანეთს არ დაემთხვევა, არაფერი აიძულოთ მათ. უბრალოდ დაელოდეთ ხელსაყრელ მომენტს და მზაობას. 

4. ყოველთვის დაგეგმეთ თუ რისი გადაღება გსურთ. მაგრამ, შეინარჩუნეთ სიმშვიდე მარცხის შემთხვევაში. შეეგუეთ ფაქტს, რომ კატები ხშირად არ თანამშრომლობენ ადამიანებთან, ეს მათი ბუნებაა.

5. მოქმედების დასაფიქსირებლად ყოველთვის მზად გქონდეთ კამერის შესაბამისი რეჟიმი. უძრავი პოზის შემთხვევაში რეკომენდირებულია ექსპოზიცია  ააწყოთ მანუალურად. 

6. სირბილის ან ხტომის გადაღებისას შეგიძლიათ ავტომატური რეჟიმის გამოიყენება. მნიშვნელობა არ აქვს როგორი სწრაფი ხართ რეჟიმების ცვლაში, კატა ყოველთვის თქვენზე ერთი ნაბიჯით წინ იქნება და შესაძლოა გამოტოვოთ შესანიშნავი კომპოზიცია ან მომენტი.

7.იდეალური რეჟიმები მოძრაობების გადასაღებად: 

3D focus tracking and continues mode

Shutter speed 1/1000 s or higher

Aperture f/5.6

8. მე, როგორც წესი, უპირატესობას ვანიჭებ 105მმ f/2.8 ლინზას. 
მოძრაობის გადასაღებად ეს საუკეთესოა. 
თუ კატა თავს კომფორტულად გრძნობს შენთან და გაძლევს მიახლოების უფლებას, 35მმ f/1.8 და 50მმ f/1.8 ლინზებიც გამოგადგებათ. 

9. გამოიყენეთ ბუნებრივი განათება კატის ხეზე ცოცვის ან ბალახში ხტომის დროს. საღამო პერიოდი გადაღებისთვის საუკეთესო დროა. თბილი და ნაზი შუქი  კატის სახესა და ბეწვზე გამოსახულებას ჩრდილების გარეშე ასახავს.

10 .ფლეშის გამოყენება ხშირად აწუხებთ და  აშინებთ ცხოველებს. თუ მისი  გამოყენების აუცილებაა, მოხსენით კამერას ან  შეუცვალეთ  მიმართულება. სოფტბოქსის გამოიყენებით  თავიდან აიცილებთ  ჩრდილების არსებობას და მიიღებთ ძალიან მსუბუქ განათებას. 

11. თუ მორბენალი და მოხტუნავე ფისოების ფოტოების გადაღებას აპირებთ,  აჯობებს თუ არ გამოკვებავთ მათ. ვის ეხალისება სავსე კუჭით სირბილი? 

12. კონცენტრირდით კატის თვალებზე, ყოველთვის გამოკვეთეთ ისინი. პირველი რაც ყურადღებას იქცევს ფოტოზე თვალებია, ამიტომაც მკვეთრად გამოხატული თავლები ძალიან მნიშვნელოვანი ელემენტია ფოტოზე.  

13. შემოსაზღვრეთ თქვენი ობიექტი. გამოიყენეთ გარემო, რათა შექმნათ საგანთა 

სასიამოვნო წყობა ცხოველის ირგვლივ. ეს მეტ სიღრმეს შესძენს თქვენს ფოტოს. 

14. კატის ფოტო განსაკუთრებით ეფექტურია ბოკეების ფონზე 

15. კატის ბეწვსა და უკანა ფონს შორის კონტრასტი, ასევე, მნიშვნელოვანია გადაღების დროს. 

16. გინდათ ნახოთ როგორია სამყარო მათი გადმოსახედიდან? გადაიღეთ კადრი ქვედა რაკურსიდან. თქვენ შეძლებთ  მსხვერპლის თვალით დაინახოთ თუ როგორია ნამდვილი მონადირე კატა. ძალიან მაგარი გამოვა. 

17. იცოდით რომ ახალგაღვიძებული კატა დაახლოებით 34 ჯერ ამთქნარებს ? თუ ფოტოზე ფისოს მთქნარებაა გამოსახული, ფიქრობენ რომ ფოტოგრაფს გაუმართლა და მოახერხა შემთხვევით კადრის დაჭერა, არა. მთქნარების გადასაღებად ჩაუსაფრდით ახალგაღვიძებულ კატას. 

ან უბრალოდ დაელოდეთ მომენტს და გადაიღეთ აი ასე - გაღებული პირით და 

ეშვებით  უშიშარი და ველური გამომეტყველებით.  

18. თუ მძინარე სასაცილო მომენტების გადაღება გსურთ, სუნთქვაც კი შეიკავეთ! კატებს შეუძლიათ სხვადასხვა ადგილსა და მდგომარეობაში ძილი, რაც ნორმალურია მათთვის. მაშინაც კი როცა ფიქრობთ რომ შანსი არ გაქვთ მისი გაღვიძების , უმნიშვნელო ხმაურმაც კი შეიძლება მოაფხიზლოს ისინი. მცირე შანსია, სასაცილო პოზა  შენარჩუნონ გაღვიძებისას, ამიტომ იყავით ფრთხილად, გამორიცხეთ შემთხვევითი მოძრაობები. არ დაარღვიოთ მათი პირადი სივრცე.

19.შეინარჩუნეთ დისტანცია. როდესაც ხედავთ მოთამაშე კატას ან კატების ჯგუფს არ შეუშალოთ ხელი. უბრალდ, შეარჩიეთ  ხელსაყრელი პოზიცია და დაიჭირეთ მომენტი. 

საინტერესო წარმოდგენის მომსწრე შეიძლება გახდეთ მაშინ, როცა ყველაზე ნაკლებად ელოდებით ამას.  

20. ჩაატარეთ ექსპერიმენტები განსხვავებული და უნიკალური კადრების გადასაღებად. ეცადეთ გააუმჯობესოთ და განსხავებული ხედვით გადაიღოთ ყოველი მომდევნო ფოტო. მოემზადეთ უცნაურ ადგილებში ცოცვისთვის. იკოტრიალეთ ბალახში, მტვერში, აბლაბუდებში. იცოცეთ ხეებზე  და  მზად იყავით ეკლიანი მცენარეების  ან კოღოების თავდასხმისთვისაც. მაქსიმალურად შეეცადეთ გადაიღოთ ის, რაც გსურთ.  

21. მაგარი ისტორიისთვის კარგი სათაური მნიშვნელოვანია. სათაური ფოტოს  პოპულარულს და ცნობადს ხდის.  თქვენი მაყურებლისთვის კი ემოციებით დატვირთულს. ბევრი ფოტოგრაფი ფოტოს ასათაურებს, როგორც „კატა“ , ეს ნამდვილად არასკმარისია. 

კარგი სათაური ფოტოზეც დადებითად აისახება და თქვენს ფოტო-გადაღებებს შესძენს კიდევ ერთ საინტერესო ისტორიას

ორიგინალი წყარო https://iso.500px.com/cat-photography-tips/

თარგმანი : მარიამ ფედროვი

Read More