მე ნამდვილად მიყვარს ქუჩის ფოტოგრაფიისა და წვიმის კომბინაცია, რადგან წვიმა განწყობას და ქალაქს მთლიანად ცვლის. შედეგად ყველაზე მოსაწყენი რამ დრამად, იდუმალად და პოეტურადაც კი გადაიქცევა ხოლმე. გთავაზობთ სამ რჩევას, რომელიც წვიმაში გადაღებისათვის დაგეხმარებათ:
1. ქოლგა - აღჭურვილობის ყველაზე მნიშვნელოვანი დეტალი
ყველაზე მარტივი რჩევა, რაც კი ოდესმე წვიმაში გადაღების შესახებ მიმიღია არის, ატარეთ ქოლგა.
ეს აშკარაა, ქოლგა ნამდვილად გთავაზობთ თქვენი და თქვენი აღჭურვილობის ძირითად დაცვას. ასე რომ მე ქოლგა ჩემი ფოტოგრაფიული აღჭურვილობის არსებით ნაწილად ვაქციე, ისევე როგორც წყვილი ბატარეები, ან სათადარიგო მეხსიერების ბარათი.
და მე შემიძლია დაგარწმუნოთ, რომ ქოლგის ქვეშიდან წვიმის გადაღება მხოლოდ მეტად სასიამოვნო კი არ არის, არამედ ნამდვილად ბევრად კარგი ფოტოებიც გამოგივათ. ფოტოების გადაღებისას დაცულად ყოფნა მეტ სიმშვიდეს და დროს გაძლევთ.
მე და ჩემი ქოლგა. Photo © Uwa Scholz
2. ხელმისაწვდომი კამერა
ჩემი აზრით Ricoh GR საუკეთესო კამერაა ქუჩის ფოტოგრაფიისათვის და მისი ფასი საკმაოდ ხელმისაწვდომია.
მე შემიძლია ვიყიდო მეორადი აპარატი 400 ევროდ ან დოლარად და არ შემეშინდეს დაზიანების. აგრეთვე Ricoh GR-ს წვიმისაგან ცოტა მეტის მიღებაც შეუძლია. ბევრჯერ მინახავს წვიმიან ამინდში კამერაზე დახვეული ტანსაცმელი, რადგან იგი ძალიან ძვირი, ან სათუთია.
3. განათების მნიშვნელობა
როდესაც საქმე ქუჩის ფოტოგრაფიას და წვიმას ეხება საინტერესო განათების პოვნა აქტუალური საკითხია. ამავე დროს ის აგრეთვე ყველაზე გამომწვევი ამოცანაა, რადგან წვიმის დროს ჩვეულებრივ მოსაწყენი განათებაა.
თუ ნამდვილად გაგიმართლებთ, წვიმა და მზე ერთად იქნება, თუმცა ქალაქის განათება, მანქანის ფარები და ნეონური სინათლე მშვენიერი განათების წყაროებია. მაშინაც კი თუ განათება მოსაწყენია მიწის და გუბეების ანარეკლებს ფოტოს გაძლიერება შეუძლია - ეს კარგად გამოუვიდა ანრი კარტიე ბრესონს თავის ცნობილ ფოტოში ,,გუბეზე ხტუნვა".
გადაიღეთ მზის საწინააღმდეგო მხრიდან
იგივე მდებარეობა, მზის მხრიდან
დრამა
იდუმალი
ნეონის ღამე
წყარო: https://petapixel.com/2016/08/09/street-photography-rain-3-lessons-learned/
თარგმანი: ნინო კაპანაძე
0 comments:
Post a Comment